«GTB Դիվելոփմենթ» ընկերության տնօրեն Գոռ Միքայելյանի խոսքով՝  «Մեզ համար առաջնահերթությունը Կասկադի նախագծի հաջողությունն է և Երևանի շահը։ Այդ իսկ պատճառով մենք ռազմավարական որոշում կայացրեցինք նախագիծը համատեղ իրագործել քաղաքաշինական շուկայի բացարձակ առաջատարի հետ։ «Ռենշինի» հեղինակությունը, ֆինանսական կայունությունն ու մասշտաբային նախագծերի կառավարման անքննելի փորձը լավագույն երաշխիքն են առ այն, որ մեր համաքաղաքացիները կստանան այն Կասկադը, որին արժանի են»։

«Ռենշին» ընկերության ռազմավարական զարգացման տնօրեն Անի Մավյանը իր խոսքում նշեց, որ․«Վերջին տարիներին «Ռենշին»-ը հետևողականորեն ձևավորում է մի ռազմավարություն, որտեղ ոչ միայն կառուցապատման նախագծերն են, այլ քաղաքների, քաղաքային և հանրային միջավայրերի ձևավորումը։ Այս համատեքստում «Կասկադ»-ը սովորական նախագիծ չէ, «Կասկադ»-ը ռազմավարական նախագիծ է: Մենք տեսնում ենք այն, որպես պատմական մշակութային ժառանգության և ժամանակակից արվեստի հանդիպման վայր»։

Հարկ է նշել, որ երկու ընկերություններին միավորում է ոչ միայն այս բացառիկ քաղաքաշինական տեսլականը, այլև սոցիալական բարձր պատասխանատվությունը ու մշակույթին աջակցելու հանձնառությունը։ Պատահական չէ, որ և՛ «Ռենշին»-ը, և՛ GTB հոլդինգը հանդիսանում են տաղանդավոր պատանի երաժիշտներին աջակցող «Music for future» հիմնադրամի խոշոր հովանավորներ ու գործընկերներ:

«Ռենշին»-ի և «GTB Դիվելոփմենթ»-ի միջև կնքված ռազմավարական հուշագիրն ազդարարում է նախագծի զարգացման նոր՝ առավել դինամիկ փուլ՝ ուղղված «Կասկադ» համալիրի վերաիմաստավորմանը և Երևանի կենտրոնում ժամանակակից ու մշակութային բազմաշերտ միջավայրի ձևավորմանը, որը միաժամանակ կպահպանի տարածքի պատմական արժեքն ու կներդնի նոր քաղաքային լուծումներ։

https://armtimes.com/hy/article/339477

https://b24.am/business/460502.html?amp

https://tert.am/am/news/2026/07/03/ren-shin-gtb/4276128

https://banks.am/am/news/newsfeed/30956

https://news.am/hy/video/1047659

https://www.youtube.com/watch?app=desktop&v=PWvJ71XDN_I

youtube.com/watch?si=cETd3mEexVKu6yUZ&v=e-uF46XTVec&feature=youtu.be

https://armbanks.am/hy/2026/07/03/275772/